تفاعل المستشار تركي آل الشيخ، مع منشور الفنان والملحن نادر نور، عبر موقع التواصل الاجتماعي فيسبوك، وأبدى خلاله رغبته في العمل معه.
وجاء ذلك بعد منشور نادر نور، الذي أعلن من خلاله عدم وجود عمل له ولا يوجد مشاريع له مع مطربين لأنه يريد من يساعده، ليرد عليه تركي آل الشيخ، قائلا: «انت فنان كبير وأنا حابب اشتغل معاك».
وجاء منشور نادر نور، كما يلي: «بعتذر لكل الناس اللي بتبعتلي كلمات اغاني من فضلكم متبعتوش تاني.. معنديش مشاريع شغال عليها و لا نجوم بتسمع مني اغاني و لا عندي حاجة اقدر اساعدك بيها لاني ببساطة محتاج اللي يساعدني».
وتابع نادر نور: «وللناس اللي بتتهمني بالكسل و التقصير انا فعلا بعدت فترة لاسباب شخصية و بحاول ارجع من ٣ سنين و مش عارف.. مسيبتش باب مخبطتش عليه.. فقدت التواصل مع الاغلبية العظمى داخل الوسط الغنائي منهم نجوم اشتغلت و نجحت معاهم و منهم اللي بحاول اشتغل معاه للمرة الأولى و منهم اللي عشرة عمر و مشوارنا بدأناه مع بعض و احلام حلمناها و نجاحات حققناها سوا و اللي بيرد على التليفون مرة مبيردش تاني و بقيت احس بالرفض و عدم التقبل و انا مش متعود ازن على حد او اطلب الحاجة اكتر من مرة بشكل يقلل مني و من احترامي لنفسي بعد كل اللي قدمته حتى لو كان قليل فهو كبير من وجهة نظري».
وأضاف نادر نور: «اخيراً معنديش مشاكل مع حد و لا بكتب الكلام ده لكسب تعاطف حد و كل الاحترام و التوفيق لزملائي انا مش زعلان من حد.. و أسف على الاطالة».
