حط الأهلي ملف تجديد عقد إمام عاشور على رأس أولوياته فور انتهاء مشوار منتخب مصر في كأس العالم 2026، وسط توقعات قوية بوصول عروض رسمية لضم نجم وسط الفراعنة بعد تألقه اللافت في البطولة.
وكان عاشور خطف، الأضواء في افتتاحية مصر قدام بلجيكا، بعد ما سجل هدف التعادل 1-1 ونال جائزة رجل المباراة. الأداء الاستثنائي ده أكد للعالم إنه واحد من أفضل لاعبي نص الملعب في أفريقيا حالياً، وخلّى سوقه يولع.
وأكدت مصادر، داخل القلعة الحمراء كشفت إن الإدارة قررت "تجميد" ملف إمام مؤقتاً لحد ما مصر تخلص مبارياتها في المونديال اللي بيستضيفه أمريكا وكندا والمكسيك. السبب؟ عشان تدرس أي عروض خارجية هتوصل للاعب بهدوء، خصوصاً مع الاهتمام المتوقع من أندية في الخليج وأوروبا بعد المستوى اللي ظهر بيه.
إدارة الأهلي شايفة إن سعر إمام تضاعف في آخر أسبوعين، وده يخلي التعامل مع ملفه محتاج حذر شديد. الهدف هو الخروج بأفضل قرار يحفظ حقوق النادي وفي نفس الوقت ميظلمش اللاعب اللي بقى مطلوب بقوة.
