أيدت الفنانة راندا البحيري، اعتراض حزب النور على فيلم برشامة، الذي تم عرضه في السينمات في موسم عيد الفطر ومنصة بانجو بلاي في عيد الأضحى المبارك.
وكتبت راندا البحيري، عبر فيسبوك: «الكلام ده كله حقيقيي. و بلاش حبكم او كرهكم لحزب ب عينه يخليكم ترفضوا اي حاجه بيقولها أنا اتفرجت علي الفيلم و أنا علي فكره دارسة نقد فني و عارفه يعني ايه إسقاطات فنيه».
وتابعت راندا البحيري: «الفيلم كله إسقاطات علي ديننا الكريم.. وعلى الأئمه الأربعة.. وعلي الرجل المتدين اللي حتي الحاجه الوحيده اللي عملها صح في الفيلم انه مش راضي يغش علشان الرسول ص .. قال من غشنا ف ليس منا ف راح هادم كل المعتقد ده و جه في آخر مشهد غشش ((رقاصه)) علشان تنجح و يسقط هو. (((مع العلم ان ده الرجل الوحيد اللي مطلعينه متدين بحق))) اللي هو هشام».
وأضافت راندا البحيري: «حسبي الله و نعم الوكيل في اللي بيحطولنا السم في العسل. و حسبي الله و نعم الوكيل في اللي بيقرا الأفلام دي و بيخش يمثلها عادي. و مش فارق معاهم اجيال تتفرج و دماغها تلف و تبقي مش فاهمه الصح من الغلط».
يأتي هذا بعد اعتراض حزب النور «داخل البرلمان» على فيلم برشامة، والأفيهات المستخدمة فيه معللين بذلك أنها تسخر من الدين الإسلامي والغزوات والأئمة الأربعة.
